www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن bardaqani ه‌وه‌، ‌ ڕێكه‌وتی ٢٠٠٢/٥/٢٠    
یونی-کۆد چی‌یه ؟ كورته‌باسێك ده‌رباره‌ی ئه‌م بابه‌ته گرنگه.
هه‌موو پیتێک و ژماره‌یه‌‌ک یان کاراکته‌رێک (character) کۆدێکی تایبه‌تی هه‌یه. ئه‌م کۆده هه‌ر هه‌مان کۆده‌و نه‌گۆڕه له‌سه‌ر هه‌ر سیستمێک، له‌ هه‌ر پرۆگرامێک یان بۆ هه‌ر زمانێک. ئه‌م کۆده پێ‌ی ده‌ڵێین یونوکۆد. له بنچینه‌دا، کۆمپیوته‌ر ته‌نها کار له‌گه‌ڵ ژماره ده‌کات، دوای ئه‌وه‌ی بۆ هه‌ر پیتێک (character) ژماره‌یه‌ک ته‌رخانده‌کات، کۆمپیوته‌ر ده‌ست‌ده‌کات به هه‌ڵگرتنی ئه‌م پیتانه. پێش داهێنانی یونیکۆد (Unicode) به سه‌دان سیستم هه‌بوون بۆ ته‌رخانکردنی ئه‌م کۆدانه بۆ کاره‌کته‌ره‌کان. به‌ڵام هیچ یه‌کێک له‌م سیستمانه(Encoding) توانای ئه‌وه‌یان نه‌بوو که کۆد ته‌رخان‌بکه‌ن بۆ هه‌موو زمانه‌کان، بۆ نموونه : ته‌نها زمانه‌کانه‌کانی یه‌کیی‌یه‌تی ئه‌وروپا پێویستیان به ژماره‌یه‌ک ئینکۆدینگی (Encoding) جۆراوجۆر هه‌یه. له‌هه‌مان کاتدا ئه‌م ئینکۆدینگه جۆربه‌جۆرانه ده‌بنه هۆی درووستبوونی کێشه، به تایبه‌تی ئه‌گه‌ر کۆمپیوته‌ره‌که ‌پشتیوانی هه‌موو ئه‌م سیستمه جۆربه‌جۆرانه نه‌کات.

به‌کارهێنه‌ره‌کان:
جگه له‌وه‌ی که یونیکۆد چاره‌ی گیروگرفتی زمانه جیاجیاکان‌ده‌کات له هه‌مان کاتدا له‌لایه‌ن سه‌رکرده‌کانی بازاڕه جیهانی‌یه‌کان به‌کارده‌هێنرێت:
Sybase, Sun, SAP, Oracle, Microsoft, JustSystem, IBM, HP, Apple, Unisys و هی‌تر.
هه‌روه‌ها زۆربه‌ی ستاندارده‌کانیش به‌کاری ده‌هینن:
XML, Java, ECMAScript (Java Script), LDAP, CORBA 3.0, WML و هی‌تر.

Uicode Consortium:
ئۆرگه‌نايزه‌شن(Organization)ێکی بێ قازانجه‌و هاتۆته کایه‌وه به مه‌به‌ستی به‌پێش‌وه‌بردنی ستانداردی یونیکۆد.

یونیکۆدو زمانی کوردی Ku:
یونیکۆد پشتیوانی زۆربه‌ی زۆری پیته‌كانی هه‌ردوو سکریپتی لاتینی‌و عه‌ره‌بی بۆ زمانی کوردی ده‌کات، که‌واته ئه‌و سیستمانه‌ی که له‌به‌شی سه‌ره‌وه ناوبراون به‌هه‌مان شێوه سه‌پۆرتی زمانی کوردی ده‌که‌ن.

یونیکۆدو ویندۆز (Windows):
تکایه ئاگاداربه که ویندۆزی 9X سه‌پۆرتی یونیکۆد ناکات، له‌به‌ر ئه‌وه درووستکردنی کیبۆرد بۆ زمانی کوردی بۆ ویندۆزی(95/98) زۆر زه‌حمه‌ته‌و ناکرێت.
کۆده‌کانی زمانی کوردی:
ا 0627ب 0628ت 062Aج 062C
ح 062Dخ 062Eد 062Fچ 0686
ر 0631ز 0632س 0633ش 0634
ع 0639غ 063Aف 0641ق 0642
ك 0643ل 0644م 0645ن 0646
هـ 0647و 0648ی 06CCڕ 0695
ڤ 06A4گ 06AFڵ 06B5ۆ 06C6
ێ 06CE ە 06D5ژ 0698پ 067E
ئ 0626 200C non-joiner

بۆیه له‌به‌ر ئه‌م هۆیانه‌ی که پێشتر‌ باسکران هیوادارین ئه‌و که‌سانه‌ی فۆنت بۆ زمانی کوردی درووستده‌که‌ن ئه‌م کۆدانه‌ی سه‌ره‌وه به‌کاربهێنن له‌هه مان کاتدا هیوادارین ئه‌و که‌سانه‌ی سایت (ماڵپه‌ڕ) درووستده‌که‌ن فۆنتی کوردی یونیکۆدکراو به‌کاربهێنن.
بۆ زیاتر زانیاری سه‌ردانی سایتی یونیکۆدبکه:
Unicode.org
chapi bike


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠