www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن aras ه‌وه‌، ‌ ڕێكه‌وتی ٢٠٠٦/١١/١٢    

كورته‌یه‌ك له‌سه‌ر هه‌ندێ كۆمپانیای ئایتی(٢)


ناوه‌ڕۆكی ئه‌م وتاره‌
كۆمپانیای لۆته‌س Lotus Development Corporation
سه‌ن Sun microsystems
له‌ گرنگترین به‌رهه‌م و داهێنانه‌كانی تری سه‌ن

كۆمپانیای لۆته‌س Lotus Development Corporation
ساڵی ١٩٨٢ دامه‌زراوه‌ له‌ ئه‌مه‌ریكا له‌ شاری كامبرج Cambridge ی سه‌ربه‌ ناوچه‌ی بۆستۆن، له‌ لایه‌ن دوو هاوڕێ، (میچ كاپۆر Mitch Kapor) و (جۆناسان ساكس Jonathan Sachs).

كاری ته‌نها له‌ بواری (نه‌رمه‌كاڵا software)كاندا بوو، ساڵی ١٩٨٣ به‌رنامه‌ی (Lotus-1-2-3)ـی به‌رهه‌م هێنا كه‌ له ‌بواری خشته‌كاری و ژمێره‌كاریدا ڕۆڵێكی به‌رچاوی گێڕا.


www.zkurd.org

لۆتس سه‌ركه‌وتنێكی گه‌وره‌ی به‌ده‌ست هێنا به‌ دروستكردنی به‌رنامه‌ی (VisiCalc) بۆ (Apple II) كه‌ له‌و ده‌مه‌دا بێهاوتابوو، وه‌ به‌ یه‌كه‌م به‌رنامه‌ی خشته‌دروستكردن ده‌ژمێردرا.

به‌ دوایدا، ساڵی ١٩٨٤ به‌رنامه‌ی (Symphony)ی دروست كرد بۆ (مایكرۆسۆفت دۆس MS-DOS)، هه‌روه‌ها به‌رنامه‌ی (Jazz) بۆ (ماكینتۆش Mac). پاشان (Groupware Notes)ـی به‌رهه‌م هێنا كه‌ له‌ دواییدا به‌ ناوی (Domino) ناسرا و ناوبانگی ده‌ركرد. له‌ بواری پۆستی ئه‌لكترۆنیشدا لۆته‌س ڕۆڵی خۆی بینی و (CC: Mail)ـی په‌ره‌ پێ دا، له‌ بواری نووسینگه‌شدا 1-2-3 لۆته‌س هه‌ستا به‌ كڕینی Smart Suite تاكوو له‌و بواره‌دا گه‌شه‌ به‌ به‌رهه‌مه‌كانی بدات. كه‌ تاكوو ماوه‌یه‌كی درێژ SmartSuite به‌ دامه‌زراوی له‌ كۆمپیوته‌ره‌كانی IBM و Compac دا پێشكه‌ش ده‌كرا.

www.zkurd.org

به‌رنامه‌ی Lotus Notes توانیی تاكوو ساڵی ٢٠٠٤ به‌ربه‌ره‌كانیی Exchange ـی مایكرۆسۆفت بكات له‌ بواری ڕێكخستنی كاره‌كان و نامه‌گۆڕكێدا.
ساڵی ١٩٩٥ كۆمپانیای IBM هه‌ستا به ‌كڕینی لۆته‌س به‌ ٣،٥ ملیار دۆلار. زۆرینه‌ی كارمه‌نده‌كانی لۆته‌س تاكوو ئه‌مڕۆ كه‌ له‌ IBM دا كارده‌كه‌ن، خۆیان به‌ به‌شێكی له‌ پرۆژه‌ی لۆته‌س ده‌زانن.

لۆته‌س یه‌كه‌م گه‌وره‌كۆمپانیا بوو كه‌ ساڵی ١٩٨٦ به‌ به‌ڕێوبه‌رایه‌تیی میچ (وێنه‌كه‌) كاری كرد بۆ بنه‌بڕكردن و هۆشداركردنه‌وه‌ی خه‌ڵك له‌ نه‌خۆشیی ئایدس AIDS. ساڵی ١٩٩٠ باخچه‌ی ساوایانی تایبه‌تیی دروست كرد بۆ كارمه‌نده‌كانی، تاكوو بتوانن هه‌موو ڕۆژه‌كه‌ بێخه‌م كار بكه‌ن.


سه‌ن Sun microsystems
ساڵی ١٩٨٢ دامه‌زراوه‌ له‌ لایه‌ن ئه‌ندریاس Andreas von Bechtolsheim ڕه‌گه‌ز ئه‌ڵمانی و، بیل Bill Joy ، ڤینۆد Vinod Khosla و، سكۆت Scott McNealy كه‌ هه‌رسێكیان ئه‌مه‌ریكایین.
ناوی سه‌ن Sun، له‌ ڕایه‌ڵه‌ی زانكۆی ستانفۆرد Stanford University Network هاتووه‌، كه‌ پرۆژه‌یه‌ك بوو بۆ پێكهێنانی تۆڕێك بۆ كتێبخانه‌ی زانكۆی ستاندفۆرد.


www.zkurd.org


سه‌ن ساڵی ١٩٨٤ پرۆتۆكۆلێكی نوێی پێناسه‌ كرد بۆ كاركردن له‌گه‌ڵ (په‌ڕگه‌ file)دا له‌ژێر سیسته‌می كارپێكردنی یونیكسدا، كه‌ له ‌سه‌ره‌تادا به ‌ناوی Network File System كورتكراوه‌ی‌ NFS ناوی ده‌ركرد و، پاشان گۆڕا به‌ Network File Service. ئه‌م پرۆژه‌یه‌ وه‌كوو پرۆژه‌یه‌كی (سه‌رچاوه‌ی كراوه‌ opensource) دابین كرا. له ‌ویندۆزدا NFS به‌ شێوه‌ی OS/2 ناسرا.

ساڵی ١٩٩٥ سه‌ن ژمانی جاڤا Java ـی داهێنا، كه‌ به‌رنامه‌ داڕێژراوه‌كانی بێ گوێدانه‌ سیسته‌می كارپێكردن كار ده‌كه‌ن، هه‌روه‌ها سه‌ن ساڵی ١٩٩٩ كۆمپانیای Star Division ـی كڕی و، ستار ئۆفیسی StarOffice ی به‌رهه‌م هێنا. تاكوو بتوانێت به‌ربه‌ره‌كانیی ئۆفیسی مایكرۆسۆفت بكات، ستار ئۆفیس (نه‌رمه‌كاڵا software) یه‌كی خۆڕایییه‌ و له‌ وێبگه‌ی OpenOffice.org دا ده‌توانرێت دابگیرێت.

له‌ گرنگترین به‌رهه‌م و داهێنانه‌كانی تری سه‌ن
- سیته‌می كارپێكردنی Sun1, Sun2, Sun3 كه‌ له‌سه‌ر یه‌كه‌ی چاره‌سه‌ری مۆتۆڕۆلا زنجیره‌ی 68000 كاری ده‌كرد و به‌ناوی SunOS ده‌ناسران.
- سیته‌می كارپێكردنی Sun4 كه‌ له‌سه‌ر یه‌كه‌ی چاره‌سه‌ری SPARC - Scalable Processor ARChitecture شێوه‌ كاری ده‌كرد، زۆر پته‌و و جێگیر بوو، له‌ بواری (ڕاژه‌كار server)دا ڕۆڵی به‌رچاوی گێڕا، كه‌ ئه‌مڕۆكه‌ به‌ سۆلاریس Solaris ده‌ناسرێت.


وێبگه‌: http://www.sun.com
وێبگه‌ی جاڤا: http://java.sun.com


سه‌رچاوه‌: ئینته‌رنێت


chapi bike

پێداچوونه‌وه‌ و ڕاستكردنه‌وه‌ی ڕێنووس، له‌سه‌ر بنه‌مای (ڕێنووسی یه‌كگرتووی زمانی كوردی): دیاكۆ.‌


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠