www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن diyako ه‌وه‌، ‌ ڕێكه‌وتی ٢٠٠٩/٢/٢١    

كرده‌ سه‌ره‌كییه‌كانی بیركاری، مایكرۆسۆفت ئێكسێڵ (٥)


ناوه‌ڕۆكی ئه‌م وتاره‌
پێشه‌كی
كرده‌ سه‌ره‌كییه‌كانی بیركاری
پوخته‌

پێشه‌كی
له‌ ئێكسێڵدا ده‌توانی هه‌موو چوار كرده‌ سه‌ره‌كییه‌كانی بیركاری (كۆ، لێده‌ركردن، لێكدان، دابه‌شكردن) به‌ئاسانی به‌كار بهێنی و به‌ ئه‌نجامه‌ دڵخوازه‌كانت بگه‌ی. واته‌ به‌ شێوه‌ی فۆرمۆل به‌كاریان بهێنی. به‌ڵام ده‌بێ ئه‌وه‌مان له‌بیر بێت كه‌ هه‌موو فۆرمۆلێكی ئێكسێڵ به‌ هێمای یه‌كسان (=) ده‌ست پێ ده‌كات. له‌م وتاره‌دا باسی چوار كرده‌ سه‌ره‌كییه‌كانی بیركاری ده‌كه‌ین كه‌ هێماكانیان بریتین له‌ (+)، (-)، (*) و (/).

كرده‌ سه‌ره‌كییه‌كانی بیركاری
كۆ (+)
ئه‌گه‌ر بمانه‌وێ دوو ژماره‌ی (٢٣) و (١٤) پێكه‌وه‌ كۆ بكه‌ینه‌وه‌، مشكه‌كه‌مان ده‌خه‌ینه‌ ناو خانه‌یه‌كی ئێكسێڵ و له‌ پێشدا هێمای (=) ده‌نووسین پاشان دوو ژماره‌كه‌ كۆ ده‌كه‌ینه‌وه‌:



=23+14

پاشان ده‌ست ده‌نێین به‌ دوگمه‌ی (Enter)دا و خێرا له‌و شوێنه‌ی كه‌ كۆده‌كه‌مان نووسیوه‌ وه‌ڵامه‌كه‌ی ده‌بینین كه‌ ده‌كاته‌ (٣٧).
له‌بیرتان نه‌چێ كۆده‌كان هه‌میشه‌ به‌ هێمای یه‌كسان (=) ده‌ست پێ ده‌كه‌ن.
بۆ باقیی كرده‌ سه‌ره‌كییه‌كانی بیركاری هه‌مان كار ده‌كه‌ین.

لێده‌ركردن (-):


=50-25

كه‌ ئه‌نجامه‌كه‌ی ده‌بێته‌ (25).

لێكدان، كه‌ڕه‌ت(x) كه‌ لێره‌ به‌ هێمای ئه‌ستێره‌ دیاری ده‌كرێت (*):



=3*4

كه‌ ئه‌نجامه‌كه‌ی ده‌بێته‌ (١٢).




دابه‌شكردن (/):


=50/25

كه‌ ئه‌نجامه‌كه‌ی ده‌بێته‌ (2).

سه‌یری ئه‌م وێنه‌یه‌ی خواره‌وه‌ بكه‌ن:


www.zkurd.org


پوخته‌
له‌م وتاره‌دا باسمان كرد كه‌ له‌ ئێكسێڵ ده‌كرێ هه‌موو كرده‌ سه‌ره‌كییه‌كانی بیركاری وه‌كوو فۆرمۆلێك به‌كار بهێنین بۆ ئه‌وه‌ی وه‌ڵامی مه‌به‌ست وه‌رگرین. ته‌نها ده‌بێ له‌بیرمان نه‌چێ كه‌ هه‌ر فۆرمۆلێك له‌ ئێكسێڵدا به‌ هێمای یه‌كسان (=) ده‌ست پێ ده‌كات.
تێگه‌یشتن له‌م وتاره‌ ساده‌یه‌ بنه‌مایه‌كه‌ بۆ به‌كارهێنانی ئێكسێڵ به‌ پانتاییی بیر و خه‌یاڵ.


chapi bike

پێداچوونه‌وه‌ و ڕاستكردنه‌وه‌ی ڕێنووس، له‌سه‌ر بنه‌مای (ڕێنووسی یه‌كگرتووی زمانی كوردی): دیاكۆ.‌


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠