فێرگه‌ی (PHP) له‌ لایه‌ن: www.zkurd.org

بنه‌ماکانی پهپ: (كرده‌هێما operator)

(كرده‌هێما operator) چییه‌؟

(كرده‌هێما operator) شتێكه‌ كاتێ یه‌ك یان چه‌ند نرخێكی بده‌یتێ، نرخی ترت ده‌داتێ. باشتره‌ بڵێین (كرده‌هێما operator) ئه‌و هێمایانه‌ن كه‌ كرده‌ (كار) ده‌كه‌نه‌ سه‌ر یه‌ك یان چه‌ند (ڕاده، زاراوه ‌‌term)یه‌ك.

"هێما بیركارییه‌كان" نموونه‌یه‌كی (كرده‌هێما operator)كانن: (+)، (-)، (*) و (/) كه‌ لێره‌شدا هه‌مان كار ده‌كه‌ن كه‌ له‌ بیركاریدا ده‌یكه‌ن.

بۆ نموونه‌ ئه‌گه‌ر دوو نرخ وه‌ك یه‌ك یان جیاواز بده‌ین به‌ "كرده‌هێما"ی (+) ئه‌وا له‌ وه‌ڵامدا نرخێكی ترمان ده‌داتێ:

$a + $b = كۆی هه‌ر دوو نرخه‌كه

 

(كرده‌هێما operator)كان جۆربه‌جۆرن، وا له‌م فێرگه‌یه‌دا ئێمه‌ باسی گرنگترینه‌كانیان ده‌كه‌ین كه‌ بریتین له‌:

١. (كرده‌هێما ژمێره‌ییه‌كان arithmetic operators).
٢. (كرده‌هێما به‌راوردییه‌كان
comparison operators).
٣. (كرده‌هێما ژیربێژییه‌كان logical operators).

"كرده‌هێما"
كان ته‌وزیم و پێویستێكن له‌ هه‌ر زمانێكی پرۆگرامكردندا. كاتێ دوو ڕه‌نووس (رقم) به‌ كۆهێما (+)یه‌ك پێكه‌وه‌ كۆ ده‌كه‌یته‌وه‌، ئه‌وه‌ له‌ڕاستیدا "كرده‌هێما"ت به‌كار هێناوه‌. هێمای خاڵ، كرده‌هێما‌یه‌كه‌ بۆ ئه‌وه‌ی دوو (ڕیزبه‌ند string) پێكه‌وه‌ بلكێندرێن.
ئه‌م كرده‌هێمایانه‌ دابه‌ش ده‌بنه‌ سه‌ر ژێرگرووپ. هه‌وڵ ده‌ده‌ین به‌وردی باس له‌ هه‌ركام له‌و ژێرگرووپانه بكه‌ین.‌