وشهی لێكدراو (مركب) ههندێ جار دوو یان چهند وشه، كه ههر كامهیان بۆ خۆی واتایهكی ههیه، پێكهوه كۆ دهبنهوه و سهرجهم واتایهكی نوێتر پێك دههێنن، بهم متوربهبوونه دهڵێن (وشهی لێكدراو). وشهی لێكدراو دهبێ بلكێن به یهكهوه و نابێ بهجیا بنووسرێن و، به چهند شێوه پێك دێن: ١. بێ هیچ یارمهتییهك: جاری وایه "وشهی لێكدراو"، بێ هیچ یارمهتییهك دروست دهبێت و تهنیا وشهكان پێكهوه دهلكێن: ڕهش + ماڵ = ڕهش ماڵ، كه پێكهوه واتایهكی تر پێك دههێنن و ئهو كاته دهبێ پێكهوه بنووسرێن: ڕهشماڵ.
خوێندن + گه = خوێندنگه. ٢. به یارمهتیی پیتی (و): جاری وایه "وشهی لێكدراو"، به یارمهتیی پیتی (و) پێكهوه دهلكێن:
ئاڵ + و + گۆڕ = ئاڵوگۆڕ. ٣. به یارمهتیی پیتی (ه): جاری وایه "وشهی لێكدراو"، به یارمهتیی پیتهبزوێنی (ه) پێكهوه دهلكێن:
بهرد + ه + قارهمان =
بهردهقارهمان. نموونهی تری وشهی لێكدراو: خۆترنجێنهر، خۆكوژ، بهردباران، كاروبار، ئهلفوبێ، هاتوچۆ، زانستپهروهر، زانستخواز، ئازادیخواز، وڵاتپارێز، سێشهممه، ڕاستهوخۆ، نیشتمانپهروهر، گوڵهگهنم، ڕێنووس، باوكمردوو، یهكگرتوو، ئاڵوگۆڕ، ڕۆژنامهنووس، ههواڵنێر، پهیامنێر، بهرزهفڕ، جهرگبڕ، مناڵپارێز، چهمچهماڵ، بێكهس، جێبهجێ، دهستبهجێ، كانیكهوه، ههڵگورد، تاقبۆستان (تاقۆسان)، ملهوڕ، تهختهكلیل، پاشبنهما، بنكهدراوه (databa)، بهستهێڵ (dash)، ڕوومێز (desktop)، زانیارینامه (encyclopedia)، ئاگرهدیوار.
|