فێرگه‌ی (PHP) له‌ لایه‌ن: www.zkurd.org

بنه‌ماکانی پهپ: (ژماره‌ی ته‌واو) و (ژماره‌ی بۆرسه‌راوی)

(ژماره‌ی ته‌واو Integer)
مه‌به‌ست له ‌(ژماره‌ی ته‌واو Integer) ژماره‌یه‌كه‌ كه‌ خاڵ یان بۆری تێدا نییه‌، وه‌كوو (25).

(ژماره‌ی كه‌رتی، یان بۆردار Floating-point number)
مه‌به‌ست ئه‌و ژمارانه‌یه‌ كه‌ بۆر یان كه‌رتیان تێدایه‌.
له‌بیرمان نه‌چێت كه‌ له‌ وڵاته‌ ئینگلیزیزمانه‌كانی وه‌كوو به‌ریتانیا و ئه‌مه‌ریكا، به‌پێچه‌وانه‌ی وڵاتانی لای خۆمان و ئه‌ورووپا، له‌ جیاتیی (بۆر)، (خاڵ) داده‌نێن. واته‌ له‌ جیاتیی (12,4) ده‌نووسن (12.4).
 ئه‌مانه‌ش چه‌ند نموونه‌یه‌كی ئه‌و ژمارانه‌:
(3.4)، (114.5-)، (½)، (3E-5)

گۆڕاوێ كه‌ نرخێكی ژماره‌ییی به‌سه‌ردا دابه‌ش كرێت وه‌كوو (ژماره‌ی ته‌واو Integer) یان (ژماره‌ی بۆردار، ژماره‌ی كه‌رتی Floating-point numbers) چاوی لێ ده‌كرێت:

$bayi = 35.90;
$dane = 68;

ئه‌گه‌ر بێت و دوو ژماره‌ به‌ یارمه‌تیی خاڵێك كۆ كه‌ینه‌وه‌، ئه‌و كاته‌ ئه‌و ژمارانه‌ وه‌كوو ده‌قه‌ڕیزبه‌ند چاویان لێ ده‌كرێت. بۆ ئه‌وه‌ی ژماره‌كان كۆ كه‌ینه‌وه‌، كه‌ڵك له‌ هێمای كۆكرنه‌وه‌ (+) وه‌رده‌گرین.
سه‌رنجی ئه‌م دوو شێوه‌یه‌ بده‌ن كه‌ له‌ خشته‌كه‌ی خواره‌وه‌ ده‌ینووسین:


<? $jimare1 = 1;
$jimare2 = 2;
echo $jimare1 . $jimare2; ?>
<br>
<? echo $jimare1 + $jimare2; ?>
 

كاتێ ژماره‌كان به‌ هێمای خاڵێك له‌سه‌ر یه‌ك ده‌خرێن "كۆ ده‌كرێنه‌وه‌" (concat)، ئه‌نجامه‌كه‌ی ده‌بێته (12)، به‌ڵام ئه‌گه‌ر به‌ "هێمای كۆكردنه‌وه‌" كۆ كرێنه‌وه‌، ئه‌نجامه‌كه‌ی ده‌بێته‌: (3).  به‌مجۆره‌ی خواره‌وه‌ ده‌رده‌چێت:


12
3
 

هۆكه‌شی ده‌گه‌ڕێته‌وه‌ بۆ ئه‌وه‌ی كه‌ له‌ دێڕی یه‌كه‌م، ناوه‌ڕۆكی دوو گۆڕاوه‌كه‌ وه‌كوو دوو ڕیزبه‌ند ده‌خرێنه‌ سه‌ر یه‌ك، واته ‌ ‌1 و 2  ده‌بنه ‌ 12.  له‌ دێڕی دووه‌م وه‌كوو ژماره‌ی (2+1) كۆ ده‌بنه‌وه‌ و ده‌بێته‌: (3).