چۆنیه‌تی دروست كردنی ئاو له فۆتۆشۆپ دا

په‌ڕه‌یه‌كی نوێ بكه‌وه: 

پاشنانیش ڕه‌نگی پشته‌وه ده‌گۆڕین بۆ سپی و پێشه‌وه‌ش بۆ ڕه‌ش: 

ئێستا ده‌ڕۆین بۆ Filter، پاشان Render پاشان Clouds 

ڕه‌نگی وێنه‌كه وه‌ك ئه‌و شێوه‌یه‌ی خواره‌وه‌ی لێدێت: 

هه‌نگاوی داهاتووشمان هه‌ر له‌ لیسته‌ی Filter ــه، ئه‌م جاره‌یان له لیسته‌ی Filter ــه‌وه Blur و پاشان Radial Blur هه‌ڵده‌بژێرین: 

ئه‌و په‌نجه‌ره‌یه‌ی خواره‌وه‌مان بۆ دێته پێشه‌وه، لێره‌دا بۆ Amount ده‌نووسین 38، بۆ Blur Method یش spin ده‌ستنیشان ده‌كه‌ین و بۆ Quality یش Good هه‌ڵده‌بژێرین. 

ئه‌م هه‌نگاوه‌شمان هه‌ر له لیسته‌ی Filter ــه، Filter پاشان Blur پاشانیش Gaussian Blur : 

وه‌ك ئه‌و وێنه‌یه‌ی خواره‌وه‌مان بۆ ده‌رده‌چێت و ده‌بی بۆ Radius بنووسین 2، 

ئه‌مجاره‌ش هه‌ر له Filter ـه‌وه ده‌ڕۆین بۆ Sketch و پاشان Bas Relief هه‌ڵده‌بژێرین.

ئێستا ده‌بێ بۆ Detail بنووسین 13 و بۆ Smoothness یش بنووسین 10:

هه‌نگاوی داهاتووش هه‌ر له‌كن Filter ده‌بێت و Sketch ده‌ستنیشان ده‌كه‌ین و Chrome هه‌ڵده‌بژێرین، : 

ئێستاش بۆ Detail ده‌نووسین 5 و بۆ Smoothness ده‌نووسین 2: 

ئێستا هه‌نگاوی كۆتایی هێنانمان ماوه كه ئه‌ویش له لیسته‌ی Image ده‌بێت، له‌وێدا Adjustments ده‌ستنیشان ده‌كه‌ین و پاشان Variations هه‌ڵده‌بژێرین: 

كۆتاییترین هه‌نگاو: ئێستاش وه‌ك له‌م  وێنه‌‌دا ڕوونه ڕه‌نگێك بۆ ئاوه‌كه‌ هه‌ڵده‌بژێرین و پێم وایه شینیش له هه‌موویان باشتره، به‌ ئاره‌زووی خۆیشت ده‌توانی ڕه‌نگی دیكه‌ی بۆ هه‌ڵبژێری و كۆتایی ئاوه‌كه وه‌ك شێوه‌ی خواره‌وه ده‌‌بێت: 

هــــــیوادارم به‌سوود بووبێت … ئاسـۆ نـادری