هاوپۆل: کوردی

چاوگی لێکدراو کاری گەردانکراو هەر کاتێک چاوگێکی لێکدراومان هەبێت و بمانەوێت گەردانی بکەین، هەموو کاتێک وشەی دوابەشی بەجیا دەنووسین. چ تێپەڕ بێت وەک:فڕێدان: فڕێ دەدەم. فڕێم دا. (نەک: فڕێدەدەم. فڕێمدا). چ تێنەپەڕ بێت، وەک:تێکچوون: تێک دەچێت. تێک چوو. (نەک: تێکدەچێت. تێکچوو).گەرمبوون: گەرم دەبێت. گەرم بوو. (نەک: گەرمدەبێت. گەرمبوو).شینبوون: شین دەبێت. شین بوو. (نەک: شیندەبێت، شینبوو). لە ڕستەدا دەردەکەوێت باسی ڕووەک دەکەین یان باسی ڕەنگ دەکەین. خۆ دەکرێت زۆر وشە واتای جیاوازیان هەبێت و وەک یەک بنووسرێن. یان ڕوونکردنەوەی باشتر بدرێت، وەک:ڕووەکەکە شین بوو. ڕەنگی دیوارەکە شین بوو.***ئەگەر سەرنج بدەین، دەبینین وشە لێکدراوەکان لە دۆخی چاوگدا پێکەوە گۆ دەکرێن (نانخواردن، شینبوون)، بەڵام لە دۆخی کاردا، گەردانکراودا، وەستانێکی زۆر زۆر کورت لەنێوانیاندا هەیە:(نان دەخوات، شین دەبێت)، خێرا ناڵێین (ناندەخوات، شیندەبێت). هەر بۆیە بەپێی دەربڕین و سترسی سەر وشەکان، بەجیا دەنووسرێن. کەوا بێت، ئەگەر چاوگەکە لێکدراو بوو و گەردان بکرێت، هەمیشە دوابەشەکەی جیا بکەینەوە. بێ ئەوەی پێویست بکات نووسەر بزانێت ئەوە تێپەڕە یان تێنەپەڕە.

بڵاوکراوەی نوێی ئەکادیمیای کوردی لە ساڵی ٢٠٢٥ دا بریتییە لە چاپی دووەمی (پوختەی ڕێنووس و خاڵبەندی)، کە بەڕێز دیاکۆ هاشمی، ئەندام و بەڕێوەبەری زکورد دایڕشتووە. ئەم چاپە، لە چاپی یەکەم دەوڵەمەندترە و هەندێک ڕاڤەی زمانەوانی و نموونەی تری بۆ زۆر کراوە.

زمانی کوردی، وەک هەر زمانێکی تر لە جیهاندا، بەشێکی دانەبڕاوە لە ناسنامەی کولتووری و کۆمەڵایەتیی گەلی کورد. لە ڕۆژهەڵاتی کوردستان، بەهۆی زاڵبوونی سیستەمی خوێندن بە زمانی فارسی، زمانی کوردی ڕووبەڕووی ئاڵنگاری و لێکەوتەی بەرچاو بووەتەوە، کە کاریگەریی نەرێنی لەسەر گەشەکردن و بەکارهێنانی زمانەکە لە ئاستە جیاوازەکانی ژیاندا دەبینرێت، لەم کورتەوتارەدا...