www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن diyako ه‌وه‌، ‌ ڕێكه‌وتی ٢٠٠٣/١٠/٤    



كارتی لێخوڕینی كۆمپیۆته‌ر له ئه‌ورووپا

به‌ڵگه‌نامه‌ی كۆمپیۆته‌ر له ئه‌ورووپا (4)

"زانیاریی گشتی له بواری ئایتی ـ 3 ـ":

 

چۆن كۆمپیۆته‌ره‌كه‌ت قسه ده‌كا؟

 

ئه‌گه‌ر ده‌ته‌وێ كۆمپیۆته‌ره‌كه‌ت له‌گه‌ڵ كۆمپیۆته‌ری تر "قسه" بكا (كاڵاڕه‌ق hardware)ی تایبه‌تیت پێویسته و چه‌ند جۆرێكیان هه‌یه كه لێره باسیان ده‌كه‌ین:

 

(مۆدێم modem):

ئامێرێكه‌ به‌كاری ده‌به‌ی بۆ پێوه‌ندی له‌گه‌ڵ كۆمپیۆته‌ری تر له‌ڕێی تۆڕی ته‌له‌فۆنه‌وه.

خێراییی مۆدێم وا ده‌پێورێ كه له چركه‌یه‌كدا چه‌ند (بیت bit = دانه) ده‌گوێزرێته‌وه، واته: (bit/s).

زۆرترین خێراییی مۆدێمێك 56000 (بیت bit = دانه)ه له چركه‌یه‌كدا و وا ده‌نووسرێ: (56 Kbit/s).

 

(ISDN):

ئه‌میش جۆرێكی تره و تۆڕی ته‌له‌فۆن به‌كار ده‌بات و خێرایییه‌كه‌ی ده‌توانێ بگاته: (128 kbit/s)، واته 128 هه‌زار بیت له چركه‌یه‌كدا.

 

(باندی به‌رین broadband):

له‌م ڕێگه‌یه‌وه به خێرایییه‌كی فره زۆرتر له مۆدێم و ISDN ده‌توانی پێوه‌ند ببی به ئینته‌رنته‌وه. هه‌روه‌ها پاره‌یه‌كی دیاریكراو له مانگانه‌دا ده‌بێ بده‌ی. خێراییی (باندی به‌رین broadband) له نێوان 2000 تا 10000 كیلۆبیت له چركه‌یه‌كدایه و وا ده‌نووسرێ: (2-10 Mbit/s).

 

(باندی به‌رین broadband) ته‌كنیكی جۆربه‌جۆری هه‌یه:

 

(Adsl):

یه‌كێك له‌و ڕێگایانه‌یه به‌كاری ده‌به‌ی بۆ ئه‌وه‌ی به شێوه‌ی باندی به‌رین پێوه‌ند ببی به ئینته‌رنته‌وه. ئه‌م ئامێره هێڵی ته‌له‌فۆنه‌كه‌ت به‌كار ده‌بات.

 

(radiolink):

ئه‌میش ته‌كنیكێكی تری باندی به‌رینه و به شێوه‌ی بێته‌له.

 

(Kabel Modem):

به كابلی مۆدێم ده‌توانی خۆت به ئینته‌رنته‌وه گرێ بده‌ی له‌ڕێی تۆڕی كابلی ته‌له‌ڤزیۆنه‌كه‌ته‌وه.

 

(كارتی ڕ‌ایه‌ڵه network-card):

بۆ ئه‌وه‌ی بتوانی به ته‌كنیكی (باندی به‌رین broadband) به ئینته‌رنته‌وه پێوه‌ند ببی ده‌بێ (كارتی ڕ‌ایه‌ڵه network-card)ت هه‌بێ كه له‌نێو كۆمپیۆته‌ره‌كه‌تدا داده‌نرێ.  

 

درێژه‌ی هه‌یه

chapi bike


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠