www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن aras ه‌وه‌، ‌ ڕێكه‌وتی ٢٠٠٣/١١/١٦    

نه‌خشه‌ له‌زمانه‌كانی C++, Cدا

پێناسه

نه‌خشه‌ بریتییه له‌ نیمچه به‌رنامه‌یه‌كی داڕێژراو بۆ ئه‌نجامدانی كارێكی دیاریكراو به‌شێوه‌یه‌كی سه‌ربه‌خۆ.

له‌زمانه‌كانی C++, C دا نه‌خشه‌ به function ناو ده‌برێت هاوشێوه‌ی فۆرتران، ئادا، یاخود له‌ پاسكال دا كه‌ به‌شه به‌رنامه‌ ئه‌توانرێت function یانprocedure بێت.

سوود و بایه‌خی نه‌خشه‌ له‌ به‌رنامه‌كاندا

نه‌خشه‌ له‌ به‌رنامه‌دا به‌گشتی، شێوه‌یه‌كی ساكارتر ئه‌به‌خشێ به‌ پێكهاته‌ی به‌رنامه‌كه، له‌ زمانی C ‌شدا به‌تایبه‌تیی چونكه‌ C خۆی ئاڵۆزه و به‌رنامه‌كانی درێژن، له‌گه‌ڵیدا نوسینی نه‌خشه‌ له‌به‌رنامه‌دا یارمه‌تی به‌ش كردنی چاره‌سه‌ره‌كان ده‌دات، هه‌میشه ڕاستكردنه‌وه‌ و گۆڕانكاریی تیایاندا نابێته هۆی گۆڕانكاریی زۆر له‌به‌رنامه‌ سه‌ره‌كییه‌كه‌دا.

پێناس و ڕاستنوسی نه‌خشه ئه‌م شێوه‌یه‌ له‌خۆی ده‌گری :

ئاكامی نه‌خشه‌: مه‌به‌ست له‌و نرخ یان زانیارییه یه‌ كه‌ پاش ئه‌نجامدانی كاری نه‌خشه ده‌ستمان ده‌كه‌وێت، نه‌خشه وه‌ك وه‌ڵامێك ده‌یدات تاكو له‌ ئاكامی كاره‌كه‌ی بگه‌ین و كار بۆ ئه‌م وه‌ڵامه‌ی دیاریی بكه‌ین. ئه‌توانرێ نه‌خشه‌ بێ وه‌ڵام بێت و هیچ نرخێك نه‌داته‌وه‌. هه‌روه‌ها ئه‌توانرێ ئه‌م وه‌ڵامه‌ هه‌ر جۆرێك بێت ژماره‌، ده‌ق، ...هتد

ناوی نه‌خشه: هه‌ر ناوێك بێت جگه‌ له‌ ناوی نه‌خشه‌ی سه‌ره‌كی واته‌ main ئه‌م ناوه‌ پارێزدراوه بۆ به‌رنامه‌ سه‌ره‌كییه‌كه‌، گرنگ ئه‌وه‌یه‌ له‌كاتی بانگ كردنی نه‌خشه‌كه‌ هه‌مان ناو به‌كار ببه‌یت.

ڕاگه‌یه‌نراوه‌كان: مه‌به‌ست له‌و نرخ و زانیارییانه‌ یه‌ كه‌ بۆ نه‌خشه كه‌ دیاری ده‌كرێت تاكو كاریان له‌ گه‌ڵدا ئه‌نجام بدات. ئه‌توانرێ نه‌خشه‌ بێ ڕاگه‌یه‌نراو پێناس بكرێ، یاخود چه‌ندین ڕاگه‌یه‌نراو له‌خۆی بگرێت.

سه‌ره‌تا و كۆتایی نه‌خشه

هه‌موو نه‌خشه‌یه‌ك سه‌ره‌تاو كۆتایی به‌م جۆره‌ نیوه‌كه‌وانه‌ یه‌ سنووردراوه‌ { }. ناواخنی نه‌خشه‌ش هه‌موو ئه‌و ئامراز و ده‌سته‌واژانه‌ی تیا داد‌ه‌ڕێژرێت كه‌ پێویستن بۆ ئه‌نجام دانی خواسته‌كه‌مان.

نمونه 1 :

ناوی نه‌خشه‌ لێكدان Lekdan، دوو ڕاگه‌یه‌نراو له‌ خۆی ده‌گرێت كه‌ له‌جۆری ژماره‌ ته‌واوه‌كان integer ، ئاكامی ئه‌م نه‌خشه‌یه‌ش ژماره‌یه‌كی ته‌واوه ‌. كاری نه‌خشه‌ كه‌ لێكدانی دوو ژماره.

return : ئه‌نجامی لێكدانه‌ كه‌ ده‌داته‌وه وه‌ك وه‌ڵام، وه‌ك باسكرا نه‌خشه‌كه‌ نرخێك ده‌گه‌ڕێنێته‌وه‌ وه‌ك وه‌ڵام بۆ كۆتایی كاره‌كه‌ی.

بانگكردنی نه‌خشه

بانگ كردن و فرمانی جێ به‌جێ كردنی نه‌خشه له‌م دوو زمانه‌دا به‌ هۆی ناوی خۆیه‌وه ده‌كرێت، واته به‌ ناوهێنانی نه‌خشه ده‌ستبه‌جێ نه‌خشه‌كه‌ ده‌كه‌وێته‌ كار.

شێوازی بانگ كردن :

 

بۆی هه‌یه‌ نه‌خشه یه‌ك چه‌ندین جار بانگ بكرێ، چ له‌ به‌رنامه‌ سه‌ره‌كییه‌كه‌ و چ له‌ نه‌خشه پێناسكراوه‌كانی تردا.

به‌هۆی ڕاگه‌یه‌ندراوه‌كان و نرخی گێڕدراوه‌ی نه‌خشه‌وه ئه‌توانری به‌ئاسانی هه‌ڵه‌ و كه‌لێنه‌كان چاك بكرێن و به‌رنامه‌كه‌ چه‌سپیوتر بكرێت. ئه‌كرێ نه‌خشه‌یه‌ك هیچ وه‌ڵامێك نه‌گه‌ڕێنێته‌وه‌، ئه‌و كاته‌ له‌ پێناس كردندا وشه‌ی void به‌كارده‌برێ كه‌ واتای ئه‌وه‌ ده‌دات ئه‌م نه‌خشه‌یه‌ هیچ جۆره‌ نرخێك وه‌ك وه‌ڵام ناداته‌وه‌ پاش ئه‌نجامدانی كاره‌كه‌ی.

نمونه 2 :

 

 

 

وه‌ك له‌ نمونه‌كه‌دا ده‌ره‌كه‌وێت، ئاكامی نه‌خشه‌كه‌ به void‌ پێناسكراوه، كه‌ واتای ئه‌وه‌ ده‌گه‌یه‌نێت هیچ نرخێك ناداته‌وه‌ وه‌ك وه‌ڵام، بێگومان ئه‌توانرێت return ; لاببرێت. چونكه‌‌ كۆتایی كاری نه‌خشه‌كه‌ هه‌مان كردار به‌جێدێنێت.

چۆنێت بانگ كردن و كاركردن له‌گه‌ڵ نه‌خشه‌كه‌ :

Printit (“this is new function“);

یاخود له‌ڕێی گۆڕدراوێكه‌وه، كه‌ ده‌بێت له‌جۆری char* پێناس كرابێت، به‌پێچه‌وانه‌وه‌ هه‌ڵه‌ له‌به‌رنامه‌كه‌دا ده‌بێت و جێبه‌جێ ناكرێت؛

char pcName[] = "zanist – perweran“;

Printit(pcName);

نمونه‌ 3:

له‌م نمونه‌یه‌ دا نه‌خشه‌كه‌ هیچ وه‌رگێراوێكی نییه :

 

 

 

چۆنێتی بانگ كردن و كاركردن له‌گه‌ڵ نه‌خشه‌كه‌ : Printit();

كاری نه‌خشه‌كه‌ ته‌نها نیشاندانی نوسینێكه‌ له‌سه‌ر كۆنسوله‌كه‌.

سه‌رنج

1- ئه‌كرێت ئه‌م به‌شه به‌رنامه‌یه له‌گه‌ڵ به‌شه سه‌ره‌كییه‌كه‌دا له‌یه‌ك په‌ڕگه‌دا پێناسكرابن، یاخود به‌جیا هه‌ڵگیرابن و زانیاریی ڕوونكراوه‌ی بۆ درابێت، هه‌ر وه‌ك له‌ په‌ڕگه‌یه‌كی جۆری (.h) header دا ڕوونكرابێته‌وه‌ و له‌ په‌ڕگه‌ی ( .c

chapi bike


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠