www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن bardaqani ه‌وه‌، ‌ ڕێكه‌وتی ٢٠٠٣/٤/١٨    
پێش هه‌موو شتێك له‌م ئه‌دره‌سه‌ی خواره‌وه Apache داونلۆودبكه. ئاگاداربه كه بۆ هه‌ر سیستمێك فایلێكی جیاواز ئاماده‌كراوه، بۆیه ئێمه‌ ئه‌وه‌ی Win32 هه‌ڵده‌بژێرین كه به‌تایبه‌تی بۆ ویندۆز كۆمپایل compile كراوه:
Apache 2.0.45
تێبینی: ئه‌مه‌یان ده‌رچوونی 2.0.46 ـه، له‌داهاتوو ده‌توانیت سه‌یری ئه‌م شوێنه‌ی خواره‌و‌ه بكه‌یت بۆ ده‌رچوونی نوێتر: Apache Binaries Directory

له كاتی ئینستاڵكردنی وێب-سێرڤه‌ر، هه‌موو شته‌كان زۆر به ئاسایی ده‌چنه پێش. هه‌موو هه‌نگاوه‌كان ڕوون‌و ئاشكران، به‌ڵام ئاگاداری ئه‌و شوێنه به كه ئه‌م پرسیاره ده‌كات:

ئه‌وه‌ی سووركراوه هه‌ڵبژێره بۆ ئه‌وه‌ی سێرڤه‌ر له‌سه‌ر پۆرتی 80 دابنرێت هه‌روه‌ها تاكوو سێرڤه‌ر وه‌كوو سێرڤیس بسووڕێت، ئه‌مه زۆر گرنگه. هه‌نگاوه‌كانی تر ساده‌ن.

یه‌كه‌م هه‌نگاو، دوای ئینسته‌ڵكردن، كه پێویسته جێبه‌جێبكرێت، بریتییه له ده‌ستكاریكردنی ئه‌و فایله‌ی كه له هه‌ڵسووڕاندنی Apache په‌رپرسیاره. ئه‌م فایله‌ش؛ httpd.conf كه له دایرێكتۆری conf له‌ژێر Apache2 دا ، له‌و شوێنه‌ی Apache تیادا ئینستاڵكراوه، ده‌یدۆزیته‌وه.
ئه‌م فایله httpd.conf ده‌توانیت له پرۆگرامی Notepad ده‌ستكاری بكه‌یت. به‌ڵام ئێمه پرۆگرامێك به‌كاردێنین كه ژماره‌ی دێڕه‌كانی تیادا ئاشكرابێت، بۆ ئاسانكردنی كاره‌كان.
به‌گشتی ئه‌م جۆر پرۆگرامانه به‌كاردێن بۆ نووسین‌و ده‌ستكاریكردنی پرۆگرامی جیاواز. لێره، ئێمه پرۆگرامی Textpad به‌كاردێنین، كه له‌م ئه‌م ئادره‌سه‌ی خواره‌وه به خۆڕایی داونلۆود ده‌كرێت:
Texpad.com

ئێستا، فایلی httpd.conf بكه‌ره‌وه:-

:: دێڕی 57 ، كه نووسراوه:
ServerRoot "C:/Program Files/Apache Group/Apache2"
ئه‌مه ئه‌دره‌سی ئه‌و شوێنه‌یه كه له داهاتوو فایله‌كانمانی تێدا جێگیرده‌كه‌ین، بۆیه ده‌ستكاری ده‌كه‌ین. من خۆم، وام پێ باشتره كه پارتیشنێكی partition یان هارددیسكێكی نوێ بۆ ئه‌م مه‌به‌سته ده‌ستنیشان بكه‌یت، تا فایله‌كانی سێرڤه‌ره‌كه‌ت به خاوێنی شوێنی خۆیان هه‌بێت‌و هه‌روه‌ها له‌به‌ر كاروباری خۆپاراستنیش. ئه‌گه‌ر بۆت نه‌كرا، فۆلده‌رێكی نوێ درووستبكه به‌ ناوی server، به‌م شێوه‌یه:
ServerRoot "C:/server"
له‌بیرت نه‌چێت، خۆت ئه‌م فۆڵده‌ره درووستبكه‌یت له‌ژێر‌ C:

چیمان كرد؟ ئێستا ژماره‌ی IP تۆمان به‌سته‌وه به فۆڵده‌ری server. كه‌واته كاتێك كه‌سێ سه‌ردانی ژماره‌ی IP تۆ ده‌كات، ڕاسته‌وخۆ فایله‌كانی ناو فۆڵده‌ری ناوبراو ده‌بینێت. بۆیه هه‌ر بۆ تاقیكردنه‌وه فایلێك بخه‌ره ناو فۆڵده‌ری server، بۆ نموونه index.html ، با چه‌ند ووشه‌یه‌كیشی تیادا نووسرابێت. ئنجا دوای ته‌واوبوونی ئه‌م ڕاهێنانه، ئێستا نا، له براوسه‌ری ئنته‌رنێت ژماره‌ی IP خۆت بنووسه، نموونه: http://123.77.99.123

ئاگاداربه: ده‌توانیت له ناو فۆڵده‌ری ناوبراو، فۆڵده‌ری تریش درووستبكه‌یت، نموونه: icons. ئنجا ئه‌دره‌سه‌كه‌ی ده‌بێته، بۆ نموونه: http://123.77.99.123/icons

:: له دێڕی ژماره 120 دا نووسراوه:
Listen 80
واده‌گه‌یه‌نێت كه سێرڤه‌ره‌كه‌ت گوێده‌گرێته پۆرتی ژماره 80. هه‌رچه‌نده ده‌توانیت هه‌ر ژماره‌یه‌كی تریش هه‌ڵبژێریت، به‌ڵام بزانه كه هه‌موو براوسه‌ره‌كان ؛ وه‌كو ئنته‌رنێت-ئكسپلۆره‌ر یان نێتسكه‌یپ، به‌شێوه‌یه‌كی ڕاسته‌وخۆو بێ -پرسیاركردن په‌یوه‌ندی به پۆرتی 80 ـی سێرڤه‌رده‌كه‌ن، بۆیه ناچارده‌بین ئێمه‌ش پۆرتی 80 به‌كاربێنین؛ نموونه:
كاتێك تۆ سه‌ردانی http://www.kurditgroup.org ده‌كه‌یت، له‌ ڕاستیدا به‌م شێوه‌یه‌یه: http://www.kurditgroup.org:80 . چونكه 80 خۆی ده‌ناسرێته‌وه، پێویست به نووسینی ناكات، به‌ڵام ئه‌گه‌ر تۆ سێرڤه‌ره‌كه‌ت له‌سه‌ر پۆرتی 52 دابنێیت، ئه‌وا میوانه‌كانت، ناچارن هه‌مووجارێك ئه‌دره‌سه‌كه به‌م شێوه‌ی بنووسن: http://www.kurditgroup.org:52 ئه‌مه‌ش وابزانم كه‌س نایكات. ئاگاداربه، ده‌كرێت‌و زۆریش ئاساییه له‌سه‌ر هه‌مان ژماره‌ی IP سێرڤه‌ری تریش دابنرێن، بۆ نموونه: FTP-server یان Proxy-server ، كه‌ وا باشتره خۆت ژماره‌ی پۆرتیان بۆ ده‌ستنیشان بكه‌یت.

:: له دێڕی 198 ، ServerAdmin email@email.com
ئه‌مه ئیمێلی به‌ڕێوه‌به‌ری سێرڤه‌ره، نموونه:
ServerAdmin bardaqani@kurditgroup.org

:: له دێڕی 212، ServerName kurditgroup.org :
ئه‌مه ناوی سێرڤه‌ره‌كه‌ته‌و زۆریش پێویست نییه. ئه‌گه‌ر هێشتا ناوی DNS ـت تۆمارنه‌كردووه، ده‌توانیت هه‌ر ژماره‌ی IP خۆت بنووسیت، نموونه:
ServerName 123.77.99.123

ئاگاداری : هێمای # كه له‌پێش زۆر له دێڕه‌كان دانراوه، واده‌كات كه دێڕه‌كه بێكه‌ڵك بێت بۆ سێرڤه‌ر و كۆمانده‌كانی ئه‌م دێڕه نه‌خوێنرێنه‌وه. بۆیه دڵنیابه كه ئه‌و دێڕانه‌ی له‌سه‌ره‌وه ده‌ستكاریمان كردن هێمای # یان له‌پێشدا نییه.

تا ئێره، ئه‌م فایڵه زیاتر ده‌ستكاری ناكه‌ین. له‌داهاتوو بۆ مه‌به‌ستی تر باس له ده‌ستكاری هه‌ندێ دێڕی تری ئه‌م فایله گرنگه ده‌كه‌ین.

دووه‌م هه‌نگاو، با دڵنیابین ئایا سێرڤه‌ره‌كه‌ت وه‌كوو سێرفیس Service به‌شێوه‌یه‌كی ئۆتۆماتیك هه‌ڵده‌سووڕێت یان نا ؟ ئه‌مه‌ش پێویسته، بۆ ئه‌وه‌ی هه‌ركات كۆمپیوته‌ره‌كه‌ت كوژایه‌وه‌و هه‌ڵگیرسایه‌وه Apache ڕاسته‌وخۆ بكه‌وێته كار، بێ ئه‌وه‌ی خۆت بیخه‌یته گڕ.
بڕۆ بۆ كۆنترۆل-پانێل ئنجا به‌شی به‌ڕێوه‌بردنی كۆمیوته‌ر Adminstrative Tools دوایی بۆ به‌شی Services بكه‌ره‌وه. له‌م به‌شه‌دا ده‌بێت ‌Apache2 تێدابێت.


له ده‌لاقه‌ی سیستم System tray نیشانه‌ی سووڕانی Apache ده‌رده‌كه‌وێت، ئه‌گه‌ر سه‌وزبێت واتا كارده‌كات و سوور واتا وه‌ستاوه.


دوای ئه‌مه، كۆمپیوته‌ره‌كه‌ت دووباره‌ هه‌ڵگیرسێنه‌‌وه.
له ئنته‌رنێت براوسه‌ر ژماره‌ی IP خۆت بنووسه‌ بۆ تاقیكردنه‌وه، ئێستا سێرڤه‌ره‌كه‌ت ئاماده‌یه بۆ پێشوازیكردن له میوانانت.
chapi bike


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠