www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن aras ه‌وه‌، ‌ ڕێكه‌وتی ٢٠٠٤/٨/١٢    

تایبه‌تمه‌ندییه‌كانی Winsock
له‌وانه‌ی ڕابردوو باسی تایبه‌تمه‌ندییه‌کی Property و به‌کارهێنانی Winsock ـمان کرد، له‌م خشته‌یه‌ی خواره‌وه‌دا سه‌رجه‌می تایبه‌تمه‌ندییه‌کانی تر ناو ده‌به‌ین

کارکردنی

Properties

ژماره‌ی بایته‌ هاتووه‌کان نیشان ده‌دات. به شێوه‌ی Long نرخه‌که‌ ده‌دات

BytesReceived

ناوی کۆمپیوته‌ری خانه‌خوێ ئه‌دات. به شێوه‌ی String

LocalHostName

IP کۆمپیوته‌ری خۆمان ده‌داتێ local machine ، به شێوه‌ی String

LocalIP

به هۆیه‌وه‌ ژماره‌ی به‌شی تایبه‌تی ئاڵوگۆڕی local port زانیاریی –کۆمپیوته‌ری خۆمان(خۆیی)، ڕێکده‌خه‌ین(وه‌رده‌گرین یاخود دایده‌نێین) تاکوو کرداری په‌یوه‌ندی کردن له‌م به‌شه‌وه port‌ سه‌ربگرێت. به‌شه‌که‌ به‌ شێوه‌ی Long پێناس ده‌کرێت

LocalPort

ناوی به‌کارهاتووی فۆڕمه‌که‌ یان ڕێکخه‌ره‌که‌یه، تاکوو جیا بکرێته‌وه له کاتی په‌یوه‌ندی کردندا

Name

ئه‌م تایبه‌تمه‌ندیه، ته‌نێکه object ڕێکخه‌ره‌که‌ له‌ خۆی ده‌گريت. ئه‌توانین به‌ هۆیه‌وه‌ تایبه‌تمه‌ندییه‌کانی تریش ده‌ستکاریی بکه‌ین

Parent

پرۆتۆکۆلی به‌کاربراو (TCP یا UDP) له‌ لایه‌ن ڕيکخه‌ری Winsock نیشان ده‌دات. له بنه‌ڕه‌تدا Default نرخه‌که‌ سفره.
نرخ Value واتا Description
0 TCP protocol
2 UDP protocol

Protocol

به‌هۆیه‌وه کۆمپیوته‌ری دوور remote machine (به‌رامبه‌ر خانه‌خوێ) ده‌ستنیشان ده‌که‌ین یان ده‌ناسین، که په‌یوه‌ندی و ئاڵوگۆڕی زانیاریی له‌گه‌ڵدا ده‌به‌ستین.

RemoteHost

IP کۆمپیوته‌ری دوورمان ده‌داتێ remote machine که‌ په‌یوه‌ندیمان له‌گه‌ڵ به‌ستووه ، به شێوه‌ی String

RemoteHostIP

به هۆیه‌وه‌ ژماره‌ی به‌شی تایبه‌تی ئاڵوگۆڕی remote port زانیاریی –کۆمپیوته‌ری دوور remote ، ڕێکده‌خه‌ین(وه‌رده‌گرین یاخود دایده‌نێین) تاکوو کرداری پێوه‌ندی کردن له‌م به‌شه‌وه port‌ سه‌ربگرێت. به‌شه‌که‌ به‌ شێوه‌ی Long پێناس ده‌کرێت

RemotePort

ژماره‌یه‌کمان ده‌داتێ له‌ شێوه‌ی Long دا، که‌ برێتییه‌ له نرخی socket خۆی که ڕێکخه‌ره‌که به‌کاری دێنێت بۆ وتووێژ communicate کردن له‌گه‌ڵ چینی Winsock دا.

SocketHandle

باری ڕێکخه‌ره‌که‌مان نیشان ده‌دات، به‌شێوه‌ی ژماره‌یه‌کی ته‌واو integer وه‌ک له‌ خواره‌وه‌ ڕوونکراوه‌ته‌وه، له بنه‌ڕه‌تدا Default نرخه‌که‌ سفره ‌:

Constant نه‌گۆڕ Value نرخ Description واتا
sckClosed 0 Closed
sckOpen 1 Open
sckListening 2 Listening
sckConnected 7 Connected
sckError 9 Error

State

ناوی ڕاژه‌که‌ service ـمان ده‌داتێ که‌ له‌کاردایه. ServiceName
بۆ ژماره‌کردنی ته‌نه‌کانه objects ، تاکوو جیابکرينه‌وه‌ له‌یه‌کتر. (زیاتر له (ActiveX Controls) دا به‌کارده‌برێت). Index
ئه‌م تایبه‌تمه‌ندییه‌ بۆ کاری جیاجیا به‌کارده‌برێت، به پێی پیویست له‌شێوه‌ی string ـدا زانیاریی تیاداده‌نێین و له‌ به‌رنامه‌که‌دا سوودی لێوه‌رده‌گرین. Tag

ڕێگاکان له‌ Winsock دا

هه‌موو ئه‌و ڕێگه‌چارانه‌ ده‌گرێته‌وه‌ كه‌ Winsock هه‌یه‌تی و به‌كاری ده‌بات بۆ كاره‌كانی له‌ په‌یوه‌ندی كردندا. ئه‌م ڕێگایانه‌ش برێتین له:

کارکردنه‌که‌که‌ی

Methods ڕێگاکان

بۆ ڕێ پيدان، ته‌نها له‌گه‌ڵ ڕاژه‌کاری جۆری TCP دا به‌کارديت، له‌ کاتێکدا داوای په‌یوه‌ندی کردن ده‌گات له‌ کۆمپیوته‌رێکی تره‌وه‌.

Accept

داخستنی په‌یوه‌ندییه‌که‌ی TCP که‌ پێشتر دروست بووه‌. گه‌ر هه‌ڵه ڕووبدا له‌کاتی داخستنه‌که‌دا، نرخێکمان ده‌داتێ له‌ شێوه‌ی Long دا، که‌ ژماره‌ی هه‌ڵه‌که‌ دیاری ده‌کات.

Close

دروست کردنی په‌یوه‌ندی له‌گه‌ڵ کۆمپیوته‌رێکی تردا، گه‌ر سه‌رکه‌وتوو بوو نرخی S_OK (که‌ یه‌کسانه به سفر)ده‌داته‌وه.

Connect

وه‌رگرتنی داتا گه‌یشتووه‌کان، ئه‌م ڕێگایه گۆڕاوێکی جۆری variant وه‌رده‌گرێت، که‌ داتا وه‌رگیراوه‌کانی تێدا هه‌ڵده‌گرێت.

GetData

به‌کاربردنی ئه‌م ڕێگایه، socket پێکده‌هێنێت و ده‌چێته باری mode گوێ گرتن بۆ گه‌یشتنی داتا و، چاوه‌ڕوانی ڕوودانێک event ده‌کات له‌ په‌یوه‌ندییه‌که‌دا.

Listen

ئه‌م ڕێگایه به‌کارده‌برێت بۆ ناردن و به‌ڕێکردنی داتاکان بۆ کۆمپیوته‌ری به‌رامبه‌ر (کۆمپیوته‌ری دوور که‌ په‌یوه‌ندییه‌که‌ی له‌گه‌ڵ به‌ستراوه‌). گۆڕاوێک وه‌رده‌گرێت که تیایدا داتاکانی تیا ئاماده‌کراوه‌ بۆ ناردن، ده‌شێ گۆڕاوه‌که‌ له‌ جۆری زنجیره‌ نووسه string یاخود ڕیزێک array ژماره‌ی ته‌واو دا بێت.

SendData

هاوشێوه‌ی GetData به‌ڵام ئه‌م داتاکه‌ له‌ لیستی چاوه‌ڕوانیدا queue ناسڕێته‌وه‌.

PeekData



ڕووداوه‌کان Events
مه‌به‌ست له‌ ڕووداو بوونی گۆڕانکارییه‌کی نوێیه له‌ ڕێکخه‌ره‌که‌دا. هه‌ر جۆره‌ گۆڕانکارییه‌ک له‌ ڕووداوێکی جیادا خۆی ده‌بینيته‌وه‌:

لێکدانه‌وه‌که‌ی

ڕووداوEvent

داخستنی په‌یوه‌ندییه‌که‌یه ( TCP )، بۆ هه‌ردوو لا، ڕاژه‌کار و ڕاژه‌خواز

Close

ڕووده‌دات له‌ کاتی بوونی داواکاریی په‌یوه‌ندی کردن connection request

ConnectionRequest

پێمان ده‌ڵێت داتا گه‌یشتووه‌ له‌ کۆمپیوته‌ری به‌رامبه‌ره‌وه‌. قه‌باره‌ی داتا گه‌یشتووه‌کانمان ده‌داتێ به‌ ژماره‌ی بایت byte

DataArrival

له‌کاتی بوونی هه‌ر هه‌ڵه‌یه‌کدا له‌ په‌یوه‌ندییه‌که‌دا ڕووده‌دات، بۆ نموونه‌ بچڕانی په‌یوه‌ندی، لیسته‌ی هه‌ڵه‌کان له‌به‌ر درێژی لێره‌دا نه‌م نووسیوه‌، تکایه سه‌ردانی( WinsockErrors) بکه.

Error

به‌ ته‌واوبوونی کاری ناردن Send ڕووده‌دات، تاکوو له‌ سه‌رکه‌وتنی کاره‌که‌ دڵنیامان بکا

SendComplete

پێمان ده‌ڵێ کاری ناردن Send له‌ بره‌وداندایه. له‌ ڕێگه‌ی دوو ڕاگه‌ێینه‌که‌یه‌وه‌ نیشانمان ده‌دات که‌ چه‌ند بایت نێردراوه‌ و چه‌ندیش ماوه‌

SendProgress

ڕووده‌دات کاتێک په‌یوه‌ندی سه‌رکه‌وتووانه دروست بووبێت.

Connect


زنجیره‌ی کاری په‌یوه‌ندی کردن


پرۆتۆکۆلی Transfer Control Protocol ڕێ خۆش ده‌کات بۆ دروست کردنی په‌یوه‌ندی، هه‌روه‌ها چاککردنی په‌یوه‌ندییه‌کی به‌ستراو. کاتێکیش په‌یوه‌ندی دروست بوو، هه‌ردوو کۆمپیوته‌ری په‌یوه‌ندیدار ده‌توانن کرداری ئاڵوگۆڕی زانیاریی له‌ نێوانیاندا ئه‌نجام بده‌ن.
گه‌ر Winsock به‌کارهێنرا بۆ دروست کردنی داوانامه‌یه‌ک application وه‌ک ڕاژه‌خواز client، ئه‌وا بۆ دروست کردنی په‌یوه‌ندی پێویسته‌ ناوی ڕاژه‌کاره‌که‌ server یاخود ناونیشانی IP ـیه‌که‌ی بزانیت، به‌هۆی تایبه‌تمه‌ندی RemoteHost ئه‌م کاره‌ ئه‌نجام ده‌درێت، له‌گه‌ڵیدا تایبه‌تمه‌ندێتی RemotePort به‌کاردێنین بۆ زانینی به‌شی تایبه‌ت به‌ ئاڵوگۆڕ، که له‌ گوێ گرتنه‌وه‌ دیاری ده‌دات. پاشان ڕێگای Connect په‌یوه‌ندییه‌که‌ ده‌به‌ستین.
گه‌ر Winsock به‌کارهێنرا بۆ دروست کردنی داوانامه‌یه‌ک application وه‌ک ڕاژه‌کار server ، ئه‌وا بۆ دروست کردنی په‌یوه‌ندی پێویسته‌ به‌شی تایبه‌ت به‌ ئاڵوگۆڕ ڕێکبخه‌ین، تایبه‌تمه‌ندی LocalPort ئه‌م کاره‌مان بۆ ده‌کات، پاشان ڕێگای Listen به‌کارده‌به‌‌ین تاکوو ئاگادارمان بکاته‌وه‌ له‌ بوونی ڕووداو و په‌یوه‌ندی. هه‌رکات ڕاژه‌خوازێک داوای په‌یوه‌ندی گرتنی کرد ڕووداوی ConnectionRequest ڕووده‌دات، تاکوو په‌یوه‌ندی گرتنه‌که‌ش سه‌ر بگرێت له ڕووداوه‌که‌دا مۆڵه‌ت ده‌به‌خشین له‌ڕێی Accept ـه‌وه‌.
پاش دروست بوونی په‌یوه‌ندی، وه‌ک له‌سه‌ره‌وه‌ باس کرا، هه‌ردوو کۆمپیوته‌ری په‌یوه‌ندیدار ده‌توانن کرداری ئاڵوگۆڕی زانیاریی له‌ نێوانیاندا ئه‌نجام بده‌ن. بۆ به‌ڕێ کردنی داتا ڕێگه‌ی SendData بگره‌ به‌ر، که‌ داتا گه‌یشت پێمان ڕووداوی DataArrival ئاگادارمان ده‌کاته‌وه‌، قه‌باره‌ی داتاکانمان پێ ڕاده‌گه‌یه‌نێت، به‌هۆی ڕێگای GetData ده‌توانین داتا گه‌یشتووه‌کان وه‌ربگرین.

ڕاهێنان


له‌سه‌ر پرۆژه‌ی پێشوو به‌رده‌وام ده‌بین، به‌رنامه‌که‌ ڕێکده‌خه‌ین که‌ کاری په‌یوه‌ندی کردن بکات له‌گه‌ڵ دۆمه‌ینێکدا domain به‌دانی ناونیشانه‌که‌ی URL ، هه‌وڵ ئه‌ده‌ین لێوه‌ی IP ئه‌دره‌سه‌که‌ی وه‌ربگرین.
ئه‌م گۆڕانکارییانه ئه‌نجام بده:

1. له‌سه‌ر فۆڕمه‌که‌ ئه‌م سه‌رچاوانه‌ زیاد بکه‌:دووگمه‌یه‌ک ناوی بنێ cmdConnect ، که‌ به‌ کرته‌ کردن له‌سه‌ری کاری په‌یوه‌ندی دروست ده‌که‌ین. بۆکسێکی نووسین ناوی بنێ txtURL سێ نیشان، ناوی یه‌کێکیان بنێ lbl_IP و له‌ ژێر بۆکسی نووسینه‌که‌دا بیکێشه. دووانه‌که‌ی دیکه وه‌ک نیشانێکی نه‌گۆڕ بكێشه، وه‌ک ئه‌م شێوه‌یه‌ی خواره‌وه:

2. به دوو كرته كردن له‌سه‌ر فۆڕمه‌كه نه‌خشه‌ی‌ Load بۆ فۆڕمه‌كه‌ دابنێ و، ئه‌م كۆده‌ی تیا بنووسه:


Private Sub Form_Load()

lbl_IP.Caption = "000.000.000.000"

cmdConnect.Enabled = False

Form1.Caption = "IP address"

End Sub


نیشانده‌ری lbl_IP سه‌ره‌تا 000.000.000.000 نیشانده‌ات:
lbl_IP.Caption = "000.000.000.000"
ناونیشانی به‌رنامه‌که‌ بکه به IP address
Form1.Caption = "IP address"
3. تایبه‌تمه‌ندی كرته‌ Click زیاد بكه، پاشان له‌ڕێی ڕێگای Connect په‌یوه‌ندی دروست بكه.


Private Sub cmdConnect_Click()

If txtURL.Text = "" Then
cmdConnect.Enabled = False
Exit Sub
End If
Me.MousePointer = vbHourglass
Winsock1.Connect txtURL, 80
cmdConnect.Enabled = False
End Sub


لێره‌دا یه‌كه‌م جار به‌راوردی ناواخنی بۆكسی نووسینه‌كه‌ txtURL كراوه، تاكوو بزانین به‌تاڵه، گه‌ر به‌تاڵ بێت هه‌وڵی په‌یوه‌ندی كردن ناده‌ین و دووگمه‌كه ناچالاك ده‌كه‌ین:
cmdConnect.Enabled = False
گه‌رنا، ئه‌وا له‌ ڕێی به‌شی ژماره 80 ـوه هه‌وڵی په‌یوێندی كردنه‌كه‌ ده‌ده‌ین. بێگۆمان تاكوو جارێكی دی كرته له دووگمه‌كه‌ نه‌كرێته‌وه، ناچالاكی ده‌كه‌ین، هه‌روه‌ها هێمای ماوسه‌كه‌ش ده‌كه‌ین به‌ خۆڵه‌كاتژمێر hourglass به‌م ڕێنوێنییه:
Me.MousePointer = vbHourglass
تاكوو دیاری بدات كه پرۆسه‌كه‌ سه‌رقاڵه و له‌كاركردندایه، هه‌ركاتێكیش ئاكامێك به‌ده‌ست هات له په‌یوه‌ندی كردنه‌كه‌ هێمای نیشانده‌ری ماوسه‌كه‌ وه‌ك خۆی لێده‌كه‌ینه‌وه:
Me.MousePointer = vbDefault

4. ڕووداوی Connect بۆ سۆكێته‌كه‌ Winsock1 ‌زیاد بكه، كاتێك ئه‌م ڕووداوه بانگ ده‌كرێت كه په‌یوه‌ندی كردنه‌كه‌ ته‌واو دروست بووبێت، تیایدا په‌یوه‌ندییه‌كه داده‌خه‌ین و نیشانده‌ری ماوسه‌كه‌ وه‌ك پێشووی لێده‌كه‌ینه‌وه:


Private Sub Winsock1_Connect()
lbl_IP.Caption = Winsock1.RemoteHostIP
Me.MousePointer = vbDefault
Winsock1.Close
cmdConnect.Enabled = False
End Sub


5. ڕوودانی گۆڕ‌ن change بۆ بۆكسی نووسینه‌كه‌ زیاد بكه، ئه‌م كۆده‌ی تیا بنووسه:

Private Sub txtURL_Change()
lbl_IP.Caption = "000.000.000.000"

cmdConnect.Enabled = True
End Sub


6. به‌رنامه‌كه‌ پاشه‌كه‌وت بكه و، جێبه‌جێی بكه.ده‌بینین كاتێك ئه‌دره‌سی www.yahoo.com ده‌ده‌ین و كرته‌ له دووگمه‌كه‌ ده‌كه‌ین، پاش یه‌ك دوو چركه‌یه‌ك IP ئه‌درێسه‌كه‌مان ده‌ستگیر ده‌بێت.

سه‌رجه‌می كۆده‌كه‌ به‌م شێوه‌یه‌ی خواره‌وه‌یه‌:

Private Sub cmdConnect_Click()
If txtURL.Text = "" Then
cmdConnect.Enabled = False
Exit Sub
End If
Me.MousePointer = vbHourglass
Winsock1.Connect txtURL, 80
cmdConnect.Enabled = False
End Sub

Private Sub Command1_Click()
End
End Sub

Private Sub Form_Load()
lbl_IP.Caption = "000.000.000.000"
cmdConnect.Enabled = False
Form1.Caption = "IP address"
End Sub


Private Sub txtURL_Change()
lbl_IP.Caption = "000.000.000.000"
cmdConnect.Enabled = True
End Sub


Private Sub Winsock1_Connect()
lbl_IP.Caption = Winsock1.RemoteHostIP

Me.MousePointer = vbDefault
Winsock1.Close
cmdConnect.Enabled = False
End Sub


ڕاهێنان بۆ فێرخوازان


1. له پرۆژه‌که‌دا کار بۆ ڕوودانی هه‌ڵه‌ نه‌کراوه‌، نه‌خشه‌ و ڕێنوێنی گونجاو زیاد بکه‌ بۆ ئه‌و مه‌به‌سته‌. ڕێ له به‌کارهينه‌ر بگره‌ ئه‌درێسی URL هه‌ڵه‌ نه‌دات.
2. هه‌وڵ بده ڕێگاكانی تر له پرۆژه‌كه‌دا به‌كاربهێنیت.
3. له ڕێگه‌ی كات ڕێكخه‌رێكه‌وه Timer بزانه پرۆسه‌ی په‌یوه‌ندی كردنه‌كه‌ چه‌ند كاتی ده‌وێت.
4. له‌گه‌ڵ هه‌مه‌ چه‌شن دۆمه‌ین، ڕاست و هه‌ڵه‌ تاقی بكه‌ره‌وه، كه‌لێن و نوخسانی به‌رنامه‌كه‌ بنه‌بڕ بكه.


ئه‌م بابه‌ته‌ درێژه‌ی هه‌یه

به‌شه‌كانی ئه‌م بابه‌ته‌: 1 | 2

chapi bike


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠