www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن baran ه‌وه‌، ‌ ڕێكه‌وتی ٢٠٠٥/٤/٢٤    

    كرداری (چاپکردن Print) (وۆرد ١٩)

سه‌ره‌تا
ئاسانترین ڕێگا بۆ چاپکردنی تێکڕای به‌ڵگه‌نامه‌یه‌کی به‌رنامه‌ی وشه‌ڕێکخه‌ری وۆرد، کرته‌کردنه له‌سه‌ر دوگمه/ئه‌رکه‌یاریده‌ی (چاپکردن Print) له تووڵی ئامرازه‌کاندا، وه یان هاوکات داگرتنی هه‌ردوو کلیلی (CTRL+ P).

بۆ ڕوونکردنه‌وه‌ی زیاتری کاریگه‌ری و ورده‌کارییه‌کانی چاپکردن ئه‌م ڕاهێنانه‌ ئه‌نجام ده‌ده‌ین:

ڕاهێنان
١. ده‌چینه‌ لیستی (File) (print).

٢. له‌و په‌نجه‌ره‌یه‌ دا که ده‌رده‌که‌وێت، کاره خواستراوه‌کان ده‌ستنیشان ده‌که‌ین:

A/ (هه‌ڵبژاردنی ئامێری چاپکردن)، لێره‌دا ده‌توانین به‌کاربراوی (Fax) یاخود به‌کارهێنه‌ری تر هه‌ڵبژێرین.

• بۆ (پاشه‌که‌وت save)کردنی نووسراوێکی ناو به‌رنامه‌‌ی (وشه‌ڕێکخه‌ری word processing) وۆرد به فۆرماتی (PDF) له هه‌مان جێی هه‌ڵبژاردنی ئامێری چاپکردندا یه‌‌که‌ی ناوبراو/PDF ده‌ستنیشان ده‌که‌ین و به کرته‌کردن له دوگمه‌ی (OK) فۆرماتی (Doc) ده‌گۆڕین به فۆرماتی (PDF).

• به کرته‌کردن له دوگمه‌ی (Properties)، ده‌توانین شێوه‌ و قه‌باره‌ی نووسینه‌که بگۆڕین ئه‌گه‌ر ئامێری (Fax) بۆ چاپکردن هه‌ڵبژێردرا بوو. وه‌ هه‌روه‌ها ده‌توانین چۆنێتیی ڕه‌نگی به‌ڵگه‌نامه‌که، به ڕه‌ش و سپی یاخود هه‌مه‌ڕه‌نگ دیاری بکه‌ین، له‌و په‌نجه‌ره‌یه‌دا که بۆمان ده‌رده‌که‌وێت، دوای کرته‌کردن له دوگمه‌ی (Properties)، ئه‌میان له کاتێکدا که یه‌که‌ی (PDF) بۆ فۆرمات له چاپکردندا هه‌ڵبژێردرابێت.

B/ دیاریکردنی چاپکردنی هه‌موو یان چه‌ند په‌ڕه‌یه‌ک.

C/ دیاریکردنی چه‌ندێتیی په‌ڕه‌ی چاپکراو.
به چالاککردنی (Collate) بۆ هه‌ر په‌ڕه‌یه‌کی به‌ڵگه‌نامه‌که دوو نوسخه/وێنه‌ چاپ ده‌بێت.

D/ (دیاریکردنی (دوورپێش zoom))، هه‌ڵبژاردنی قه‌باره‌ و چۆنێتیی په‌ڕه‌کان.

٣. بۆ دیاریکردنی هه‌ڵبژاردنی زیاتر، کلیکی دوگمه‌ی (Options) ده‌که‌ین و ئه‌م په‌نجه‌ره‌یه‌مان بۆ ده‌رده‌که‌وێت:

E/ (هه‌ڵبژاردنه‌کانی چاپکردن) لێره‌دا ده‌توانین کاریگه‌ریی تری وه‌ک (چاپکردنی (پاشبنه‌ما background))، (چاپکردن به پێچه‌وانه‌وه‌) و هی دی دیاری بکه‌ین.

F/ هه‌ڵبژاردنی چینه‌کان له‌گه‌ڵ به‌ڵگه‌نامه‌که.

G/ (هه‌ڵبژاردن بۆ ته‌نها ئه‌م به‌ڵگه‌نامه‌یه‌)، چاپکردنی (دراوه data) ته‌نیا بۆ فۆرم.

H/ (هه‌ڵبژاردنه‌کانی چاپکردن به جووت و تاک) لێره‌دا ده‌توانین ته‌نیا په‌ڕه جووته‌کان چاپ بکه‌ین وه‌ک: ٢،٤،٦،٨ یاخود به پێچه‌وانه‌وه ته‌نیا لاپه‌ره‌ تاکه‌کانی وه‌ک ١،٣،٥،٧.

٤. پاش ده‌ستنیشانکردنی کاره خواستراوه‌کان، (کرته click) له‌سه‌ر دوگمه‌ی (OK) ده‌که‌ین بۆ به‌ئه‌نجامدانی کرداری چاپکردن.


chapi bike

پێداچوونه‌وه‌ و ڕاستكردنه‌وه‌ی ڕێنووس، له‌سه‌ر بنه‌مای (ڕێنووسی یه‌كگرتووی زمانی كوردی): دیاكۆ.‌

 
 وؤرد  
 

مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠