www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن aras ه‌وه‌، ‌ ڕێكه‌وتی ٢٠٠٦/٧/٢    

كورته‌یه‌ك له‌سه‌ر هه‌ندێ كۆمپانیای ئایتی(1)


ناوه‌ڕۆكی ئه‌م وتاره‌
كۆمپانیای 3COM
كۆمپانیای Apple Computer Inc
لۆگۆی ئه‌پڵ
كۆمپانیای سیسكۆ Cisco Systems, Inc
ناو و لۆگۆكه‌یان



كۆمپانیای 3COM

ساڵی ١٩٧٩ دامه‌زرا له‌لایه‌ن ڕۆبێرت میتكالف Robert Metcalfe ، له‌ شاری سانتا كلارا Santa Clara ـی سه‌ر به‌ ناوچه‌ی كالیفۆرنیای وڵاته‌یه‌كگرتوه‌كانی ئه‌مه‌ریكا.
3COM به‌یه‌كێك له‌ كۆمپانیا ناوداره‌كانی بواری (ڕایه‌ڵه network) داده‌نرێت. ئه‌مڕۆكه‌ یه‌كێكه‌ له‌ پێشڕه‌وانی به‌رهه‌مهێنانی كارتی ڕایه‌ڵه‌ی جۆراوجۆر LAN، WAN،
PCcard، مۆدێم، Repeater، Router، هه‌روه‌ها ئامێره‌ بێته‌له‌كانیش Wireless.

www.zkurd.org

ناوی كۆمپانیاكه‌ 3COM له سێ وشه‌ی ئینگلیزی ‌Computer, Communication, Compatibility هاتووه‌، كه‌ سێ پیتی یه‌كه‌می ئه‌م سێ وشه‌یه‌ به‌ Com
ده‌ست پێ ده‌كات، واتای كۆمپیوته‌ر، په‌یوه‌ندییه‌كان، گونجاوی ده‌گه‌یه‌نێت له‌ زمانی كوردیدا.

وێبگه‌كه‌یان: www.3com.com


كۆمپانیای Apple Computer Inc
له‌ ١/٤/١٩٧٦ دا دامه‌زراوه‌، له‌ كالیفۆڕنیا.
ناوی ئه‌پڵ Apple وشه‌یه‌كی ئینگلیزییه‌، كه‌ له‌ كوردیدا به‌مانای سێو دێت.
ئه‌م كۆمپانیایه‌ گه‌وره‌ترین خزمه‌تی كردووه‌ له‌ بوای كۆمپیوته‌ری كه‌سیدا، له‌ ساڵه‌كانی ٧٠ دا زۆرترین ژماره‌ كۆمپیوته‌ری فرۆشتوه‌ له‌ جیهاندا.

له‌ به‌رهه‌مه‌ گرنگه‌كانی:
١٩٧٦ Apple I
١٩٧٧ Apple II
١٩٨٣ LISA
١٩٨٤ Macintosh
(سه‌ركه‌وتووترین و گرنگترین به‌رهه‌م بوو، وه‌رچه‌رخانێكی به‌دوای خۆیدا هێنا له‌ كۆمپیوته‌ری كه‌سیدا PC)
١٩٨٥ Apple II
١٩٨٩ Macintosh Portable
١٩٩٣ ماكینتۆش له‌سه‌ر RISC
١٩٩٥ تاكوو ١٩٩٦ گه‌وره‌ترین كێشه‌ی ئابووری و به‌ڕێوه‌بردنی هاته‌ڕێ.
١٩٩٦ له‌ لایه‌ن كۆمپانیای NeXT ه‌وه كڕدرا.

لۆگۆی ئه‌پڵ
له‌ ساڵه‌كانی ١٩٧٦ تاكوو ١٩٩٨ ڕه‌نگه‌كانی په‌لكه‌زێڕینه‌ rainbow له‌شێوه‌ی له‌ته‌ سێوێكدا لۆگۆی كۆمپانیاكه‌بوو.

www.zkurd.org

پاش ١٩٩٨ هه‌مان شێوه‌ مایه‌وه، به‌ڵام ڕه‌نگه‌كه‌ی بوو به‌ زیوی.

www.zkurd.org



ئه‌مڕۆكه، ٢٠٠٦، كۆمپانیای ئه‌پڵ له‌ چه‌ندین بواری (نه‌رمه‌كاڵا software) و (ڕه‌قه‌كاڵا hardware) دا ده‌ستبه‌كاره، به‌رهه‌مه‌كانی iMac و iPod له‌ هه‌موو بازاڕه‌كانی جیهاندا بڵاوه‌، هه‌روه‌ها خاوه‌نی گه‌وره‌ترین كۆگای مۆسیقا به‌ناوی iTunes كه‌ چه‌ندین ملیۆن گۆرانی و ئاوازی له‌خۆ گرتووه‌. له ‌بواری سیسته‌می كارپێكردنیشدا Mac OS X ـی هه‌یه‌، ئه‌میش وه‌ك به‌رهه‌مه‌كانی تری سه‌ركه‌وتووه‌.

وێبگه‌كه‌یان: www.Apple.com




كۆمپانیای سیسكۆ Cisco Systems, Inc
ساڵی ١٩٨٤ له‌ شاری سان فرانسیسكۆ San Francisco له كالیفۆڕنیای سه‌ر به‌‌ ئه‌مه‌ریكا دامه‌زراوه‌، له‌ لایه‌ن كوڕ و كچێكی خوێندكاری زانكۆی ستانفۆرد Stanford شاری
سان جۆزێ San Jose . ئه‌م دوو خۆشه‌ویسته‌ لیۆنارد Leonard Bosack و ساندرا Sandra Lerner, له ژوورێكی زانكۆ سه‌رقاڵی دۆزینه‌وه‌ی ڕێگه‌چاره‌یه‌ك بوون بۆ هێنانه‌دیی شێوازێكی ئاسان له‌ ڕایه‌ڵه‌كردنی چه‌ند كۆمپیوته‌رێكدا به‌یه‌كه‌وه‌، سه‌ره‌نجام سیسكۆیان پێك هێنا، ساڵی ١٩٩٠ ساندرای خێزانی پێش جیابوونه‌وه‌ی له‌ لیۆنارد به‌ ١٧٠ ملیۆن دۆلاری ئه‌مه‌ریكی ده‌ستی له‌ سیسكۆ هه‌ڵگرت.
سیسكۆ ناسراوه‌ به‌ به‌رهه‌مهێنانی Router و Switches له‌ بواری ڕایه‌ڵه‌كردندا. سیسكۆ توانیی له‌ ڕێگه‌ی router ـه‌وه‌ چاره‌سه‌ره‌كانییه‌وه‌ له‌م بواره‌دا ڕۆڵێكی به‌رچاو بگێڕێت، به‌هۆی فراوانبوونی به‌كارهێنانی ئینته‌رنێته‌وه.‌ سیسكۆ گه‌شه‌یه‌كی باشی كرد و چه‌ندین شیكاریی هێنایه‌ خزمه‌ت ئاسانكردنی ڕایه‌ڵه‌.

ناو و لۆگۆكه‌یان
ناوی سیسكۆ cisco له‌ دوا بڕگه‌ی ناوی سان فرانسیسكۆ San Francisco وه‌رگیراوه‌.

www.zkurd.org

وێنه‌ی لۆگۆكه‌ش له‌ دیمه‌نی پردی Golden Gate له‌و شاره‌ وه‌رگیراوه‌، هاوكات ده‌كرێت وه‌كوو شه‌پۆلێكی ڕادیۆیی ته‌ماشای بكرێت.

ئه‌مڕۆكه‌ له‌ سه‌دا ٥٠ بۆ ٨٠ ـی شیكاره‌كانی ڕایه‌ڵه‌ و په‌یوه‌ندیكردن هی سیسكۆیه‌، زیاتر له‌ ٣٠ هه‌زار كارمه‌ند له‌ ١١٥ وڵاتی جیادا كار له‌م كۆمپانیایه‌دا ده‌كه‌ن.
سیسكۆ چه‌ندین په‌یمانگای فێركردن و پێوانه‌ییی هه‌یه‌، كه‌ ساڵانه‌ هه‌زاران ئه‌ندازیار، پسپۆڕیی تیا وه‌رده‌گرێت.

وێبگه‌كه‌یان: www.cisco.com



chapi bike

پێداچوونه‌وه‌ و ڕاستكردنه‌وه‌ی ڕێنووس، له‌سه‌ر بنه‌مای (ڕێنووسی یه‌كگرتووی زمانی كوردی): دیاكۆ.‌


مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠