www.zkurd.org
ئه‌ندامه‌تی پرۆژه‌كان مه‌کۆ تاقیكاری IT فه‌رهه‌نگی ماڵه‌وه
  zanistperweran



پۆستی ئه‌له‌كترۆنی
(ته‌نها بۆ ئه‌ندامانه‌)
ناو
تێپه‌ڕه‌وشه‌
له‌ لایه‌ن baran ه‌وه‌، ‌ ڕێكه‌وتی ٢٠٠٨/٦/١    

(Paint) و (Word) - چێكردنی وێنه‌ و ده‌قێك (وۆرد ٢٨)


ناوه‌ڕۆكی ئه‌م وتاره‌
سه‌ره‌تا
ڕاهێنان
هه‌نگاوی ١
هه‌نگاوی ٢
هه‌نگاوی ٣








سه‌ره‌تا
له‌م وانه‌یه‌دا سێ كار به‌ سێ هه‌نگاو ئه‌نجام ده‌ده‌ین.
• له‌ سه‌ره‌تادا وێنه‌ی نه‌خشه‌ی كوردستان له‌ به‌رنامه‌ی (Paint)دا ده‌كێشین. وه‌ك ده‌زانین (Paint) به‌رنامه‌یه‌كی ساكاری نیگاركێشانه‌ و له‌ سه‌ر سیسته‌می زۆرینه‌ی كۆمپیوته‌ره‌كان بوونی هه‌یه‌.
• پاشان وێنه‌ی نه‌خشه‌ كێشراوه‌كه‌ له‌ به‌رنامه‌ی (Paint)ه‌وه‌ ده‌گوێزینه‌وه‌ ناو به‌رنامه‌ی وشه‌ڕێكخه‌ری وۆرد.
• دواتر له‌ ڕووپه‌ڕی به‌رنامه‌ی وشه‌ڕێكخه‌ری وۆرددا نه‌خشه‌كه‌ كه‌مێك بچووك ئه‌كه‌ینه‌وه‌ و‌ به‌هۆی ئه‌ركه‌یاریده‌ی ته‌نه‌وێنه‌ (Picture)ه‌وه‌ وێنه‌كه‌ له‌ ناوه‌ڕاستی ده‌قێكدا ده‌چه‌سپێنین.

ڕاهێنان

هه‌نگاوی ١
١. به‌رنامه‌ی نیگاركێشانی (Paint) ده‌كه‌ینه‌وه‌، له‌سه‌رخۆ و به‌وردی نه‌خشه‌ی كوردستان ده‌كێشین.

٢. هه‌ر له‌ به‌رنامه‌ی (Paint)دا نه‌خشه‌ كێشراوه‌كه‌ نیشانه‌ ده‌كه‌ین و ده‌چینه‌ سه‌ر لیستی (ده‌ستكاری Edit) و پاشان به‌ كرته‌كردنی (له‌به‌رگرتنه‌وه‌ Copy) ڕوونووسی ده‌كه‌ین.


www.zkurd.org


هه‌نگاوی ٢
٣. به‌ڵگه‌نامه‌یه‌كی وشه‌ڕێكخه‌ری وۆرد ده‌كه‌ینه‌وه‌ و له‌ڕێی (ده‌ستكاری Edit) و (كرته‌ click) كردن له‌سه‌ر (لكاندن Paste) نه‌خشه‌كه‌ ده‌لكێنین.

هه‌نگاوی ٣
٤. ویستی ئێمه‌ له‌م هه‌نگاوه‌دا ئه‌وه‌یه‌ وێنه‌كه‌مان له‌ ناوه‌ڕاستی ده‌قێكدا دابنێین، واته‌ ده‌مانه‌وێ چوارده‌وری نه‌خشه‌كه‌ نووسین بێت. بۆ ئه‌م كاره‌ باشتر وایه‌ قه‌باره‌ی وێنه‌كه‌ به‌ ڕاكێشان یان خستنه‌وه‌یه‌كی قه‌راغه‌كانی، وێنه‌كه‌ بچووك بكه‌ینه‌وه‌.

٥. ئه‌گه‌ر هه‌ستمان كرد وشه‌كانی (ده‌ق text)ه‌كه‌ په‌رش و بڵاو ده‌وه‌ستن، ئه‌توانین پێوانه‌ی پانیی ڕووپه‌ڕی به‌ڵگه‌نامه‌كه‌ كه‌م بكه‌ینه‌وه‌ له‌ڕێی گۆڕینی پێوانه‌ی په‌ڕاوێزه‌كانه‌وه‌.

٦. به‌ كرته‌كردن له‌سه‌ر نه‌خشه‌كه‌، وێنه‌كه‌ نیشانه‌ ده‌كه‌ین تا تووڵی ته‌نه‌وێنه‌ (Picture)ش چالاك ببێت.

٧. له‌سه‌ر تووڵی ئامرازی ته‌نه‌وێنه‌كان، دوگمه‌ یاخود ئه‌ركه‌یاریده‌ی تایبه‌ت به‌ وێنه‌دانان له‌گه‌ڵ نووسیندا (Text Wrapping) كرته‌ ده‌كه‌ین و له‌و لیسته‌یه‌شدا كه‌ بۆ مان ده‌كرێته‌وه‌ دۆخی (Tight) هه‌ڵده‌بژێرین.


www.zkurd.org


وه‌ك ئه‌بینین پاش ئه‌م كاره‌ ده‌توانین به‌ ڕاكێشانی وێنه‌كه،‌ نه‌خشه‌كه‌ له‌ ناوه‌ڕاستی ده‌قه‌كه‌دا دابنێین. دیاره‌ ده‌شتوانین هه‌ر له‌ڕێی ئه‌ركه‌یاریده‌ی (Text Wrapping)ه‌وه‌ شێوازی دانانی تر هه‌ڵببژێرین‌ بۆ نموونه‌ به‌ جۆرێك بێ كه‌ وێنه‌كه‌ بكه‌وێته‌ ژێر یان ئه‌ملاولای نووسینه‌كه‌وه‌.

٨. ئه‌شتوانین له‌ لیستی ئه‌ركه‌یاریده‌كانی (Text Wrapping)دا دوا دانه‌ كه‌ (Edit wrap Points)ه‌ هه‌ڵببژێرین بۆ گۆڕینی شێوه‌ی چێوه‌ی وێنه‌كه‌!


chapi bike

پێداچوونه‌وه‌ و ڕاستكردنه‌وه‌ی ڕێنووس، له‌سه‌ر بنه‌مای (ڕێنووسی یه‌كگرتووی زمانی كوردی): دیاكۆ.‌

 
 وؤرد  
 

مافی ئه‌م ماڵپه‌ڕه‌ پارێزراوه‌ بۆ گرووپی زانستپه‌روه‌رانی كورد، بۆ زانیاریی زۆرتر تكایه‌ كرته‌ی ئێره‌ ‌بكه‌
©٢٠٠٣-٢٠١٠